Jæja elsku stóra systir, ég varð að fá að vera með í þessu frábæra afmæliskorti sem að hann Sóli þinn var svo krúttlegur að standa fyrir.                                                                                             Þá erum við komnar heim úr þessari yndislegu afmælisferð til fallegurstu borgar evrópu, þetta var algjörlega ógleymanlegt að eyða þarna dögum með ykkur mömmu og spóka okkur um á strætum Parísar með góða skapið í farteskinu og vorilminn í loftinu. Þúsund þakkir fyrir frábæran félagsskap og ég óska þér enn og aftur innilega til hamingju með 40 árin. Kv. Bryndís sis

Innilegar hamingjuóskir með 40 árin, bjarta framtíð. 

kærar kveðjur þínir vinir Mekkín og Gummi

Fullorðinsmerki

1.  Pottaplönturnar þínar eru á lífi og þú getur ekki reykt eina einustu.
2.  Þú gefur þér tíma til þess að taka af þér úrið áður en þú ferð að stunda kynlíf.
3.  Þú geymir meiri mat en bjór í ísskápnum.
4.  Klukkan 6 að morgni er fótaferðatími en ekki háttatími.
5.  Þú heyrir uppáhaldslagið þitt í matvörudeildinni í Hagkaupum.
6.  Þú fylgist með veðurfregnum.
7.  Vinir þínir giftast og skilja í staðinn fyrir að byrja og hætta saman.
8.  Sumarfríið þitt styttist úr þrem mánuðum í þrjár vikur.
9.  Bolur og gallabuxur eru ekki lengur spariklæðnaður.
10. Það ert þú sem hringir á lögregluna og kvartar yfir hávaða í nágrönnunum.
11. Eldri ættingjar hætta að segja kynlífsbrandara nálægt þér.
12. Þú hefur ekki hugmynd um hvenær pizzustaðir loka á nóttunni.
13. Bílatryggingarnar lækka en afborganir af bílaláni hækka.
14. Þú ert farin að borða salöt sem aðalrétt.
15. Þú færð bakverk ef þú sefur í sófanum.
16. Þú vaknar kl 9 á sunnudögum af því að "það er svo hressandi"
17. Út að borða og bíó er að fara út að skemmta sér en ekki bara byrjun á góðu kvöldi.
18. Þú verður slæm í maganum, ekki södd ef þú færð þér heila pizzu kl 3 að nóttu.
19. Þú ferð í apótekið til þess að fá þér íbúfen,ekki til þess að kaupa smokka eða þungunarpróf.
20. Vín undir níuhundruð kalli eru ekki lengur ágætiskaup.
21. Þú borðar morgunverð á morgunverðartíma.
22. Ég get ekki drukkið eins og ég er vön kemur í staðinn fyrir "Ég ætla aldrei að drekka aftur svona mikið"
23. 90% af tíma þínum framan við tölvuna fer í raunverulega vinnu.
24. Þú drekkur ekki lengur heima fyrir til þess að spara pening áður en þú ferð á bari.
25. Þú lest allan þennan lista og leitar í örvæntingu að einhverju sem á ekki við þig.

Hafdís, Hafdís, Hafdís :-)

Til lukku með afmælið. Þetta er besti aldurinn ever!!!!!!

Mundu að allt er fertugum fært :-)

 

Kær kveðja,

Gústi og Sigga 

 

Kæra Hafdís

 Allt er fertugum fært, veit það búin að prófa.   Njóttu dagsins i París, vonandi á fínu hóteli.  :)

             Tilvera okkar er undarlegt ferðalag

             Við erum gestir og hótel okkar er jörðin

                                           Tómas Guðmundsson ,,Hótel jörð"

 Sjáumst síðar á syngjandi skemmtilegri stundu

Afmæliskveðja Svava Pétursdóttir 

 

Elsku Hafdís frænka!  Innilegar hamingjuóskir í tilefni af stórafmæli þínu.  Njóttu þess að vera til.  Kær kveðja, Gummi frændi, Karlotta, Halldóra Jóna og Stefanía Lind Odense Danmörku.

....ENGIR MYGLUBLETTIR OG ALDREI NEIN FÝLA!!!

Til hamingju með daginn kæra Hafdís. Vonandi nærðu að leyfa bragðlaukunum að njóta sín í París, það á jú alltaf að vera markmið félaga í BORÐ FYRIR ÁTTA hvar sem þeir eru í heiminum. Smjattaðu á framandi ostum, súptu á góðu víni og nartaðu í ilmandi croissant á morgnana.... Njóttu lífsins manneskja, eins og þér er svo sannarlega lagið.

Við hlökkum til að hitta þig og hina gleðigjafana í matarklúbbnum þann 19. maí. Þá verður þú nú reyndar að vera búin að hrista Frakkland af þér, því þá verður það ítalskur andi sem tekur völdin.

En að sinni:  Au revoir

Valli, Íris, Hlín, Jón og Váli.  UppáSkaga

Þó ekki sé talan alveg nákvæm vegna allnokkra hlaupára þá er þetta nokk nærri lagi! Ertu ekki búin að nýta alla þessa daga vel, humm....

Elsku besta orkuskutlan okkar! Við sendum þér hrikalega góðar hugheilar afmæliskveðjur úr sveitinni. Vorverkin eru hafin og við hugsum til þín sem eins af okkar bestu starfskörftum í gegnum tíðina. Nærvera þín er notaleg og ekki orð um það meir.

Njóttu dagsins og vertu ávallt velkomin í heimsókn.

Með kveðju,

Ásta, Halldór, Halldóra, Unnsteinn, Áslaug Guðný, Halldór Friðrik, Gísli Gunnar og Skotti, stórbýlinu Efra-Seli, Hrunamannahreppi, Árnessýslu, Suðurlandi.

Elsku Hafdís. Hjartanlega til hamingju með daginn ! ! ! ! Ég er ekki í nokkrum vafa um að þið mæðgur njótið dvalarinnar í París. Þar sem þú ert, þar er fjör

Kveðja, Gísli B. Gunnars

Elsku Hafdís!

 Ég samgleðst þér innilega í tilefni dagsins og óska þér til hamingju með áfangann.  Ekki amalegt að eyða afmælisdeginum í París, þeirri yndislegu borg.

Gangi þér allt í haginn kæra mágkona!

Sólrún

Hæ skvís (og svo systa og Baddý)

Frábært að þið mæðgur skylduð skella ykkur til Parísar í tilefni dagsins. Væri sko alveg til í það þegar ég verð fertug....en það er svo roooossssaaallllleeegggaaa langt þangað til.

Vona að þið hafið það æðsilega gott og njótið dagsins saman í París. Drekktu eitt rauðvínsglas og hugsaðu til okkar í FFF.

Þú verður bara flottari með hverju árinu sem líður.

 

Kv. Anna Magnea